На само 15 годишна возраст, младиот Методија Столески од Струга, ќе остане најзабележан со настап на годинешното издание на “Гоце Фест”. Претходно Методија бележи бројни настапи но на детските фестивали
а ова е прев негов ваков настап на фестивал за возрасни. Методија со својот оформен и длабок глас ја отпеа песната “Песно наша” и буквално го собра целиот аплауз од публиката.
-Чувството беше прекрасно. Прв пат настапувам на овој фестивал. Добив многу голем аплауз. Се претставив со песната “Песно наша”, каде аранжамнот е на Цане Петров, а текстот од Огнен Неделковски, истакна Методија.
Со оглед на годините со кои настапува Методија на еден ваков фестивал, тој како што вели имал позитивна трема а чувството да се настапува на еден ваков фестивал за него било најголемо и позитивно.
-Немав трема, се разбира имав позитивна трема , која треба да се има. Ја освоив публиката, добив многу аплауз, како да кажам, им бев најмлад фан, вели Методија.
За прекрасниот настап и изведба на песната на “Гоце Фест”, Методија доби специјално признание од стручното жири.
