Големите македонски музички имиња Влатко Миладиноски, Златко Миладиноски и Дамјан Стојаноски полека ги привршуваат своите подготовки околу престојната голема австралиска турнеја. Тие секако подготвуваат нов, музички материјал со кој ќе се претстават пред македонската дијаспора во оваа далечна земја.
-Се спремаат и се надевам дека до нашето заминување ќе имам неколку нови песни. Едната е при крај а другите треба да се почнат кај и да е, така да ќе има и нешто ново со што ќе се претставам на нашите таму, вели Дамјан.
Големата асвтралиска турнеја на овие врвни музички имиња ќе треае околу еден месец, за Велигденските празници, а дел од најавените концерти се веќе резервирани.
-Засега според заинтересираноста очекуваме дека ќе биде навистина убаво и дека сите наши настапи ќе бидат посетени во голем број и дека убаво ќе си поминеме, истакнува Дамјан.
Неодамна Дамјан беше дел од јубилејниот проект кој го реализираа “Бумбари бенд” по повод 25 години од нивната музичка кариера.