Саксофонистот Даниел Божиноски сними видео запис за неговото прво музичко остварување насловено “Алтано оро”. Видео записот се снимаше на повеќе локации во прекрасниот Охрид, односно во стариот дел од градот, а во соработка со ИН Продукција.
Младиот и талентиран музичар Даниел Божиноски сними видео запис за неговото авторско дело со наслов “Алтано оро”. Даниел истакна дека е презадоволен од тоа како помина снимањето, кое се одвиваше на неколку локации во Охрид, односно кај Горна Порта и црквата Света Богородица Перивлепта.
-Снимањето помина одлично, орото се вика “Алтано оро”, насловот дојде според самата мелодија. Поминавме супер, се помина во најдобар ред. Орото е мое авторско дело, а го работев со помош на мојот братучед, Златко Миладиноски кој го направи аранжманот.-вели Божиноски.
Ова е негово прво музичко остварување, а неговите очекувања се дека видео записот ќе биде одлично од прифатен од јавноста, но и дека ќе се зголеми бројот на настапи како во земјава, така и надвор од неа. Даниел не го криеше и задоволството од соработката со ИН Продукција.
-Ова ми е прва соработка со ИН Продукција. Едноставно супер беше, дури и повеќе од очекуваното. Доста професионално изработено, онака како што треба и многу сум задоволен.-додава младиот музичар.
Даниел за следниот период најавува снимање на уште неколку нови инструменталки, како и видео записи за истите.
Во продолжение уживајте во прекрасниот видео запис за “Алтано оро” !