СДСМ организира пикник во Драчево со фолк-звезди за Денот на независноста
Партијата СДСМ организира традиционален пикник на Денот на независноста – 8 септември во месноста Пеленица во близина на Драчево, Скопје.
„Ве покануваме на традиционалниот пикник “Пеленица”, по повод 8 Септември – Денот на независноста. Да ја продолжиме традицајата со песна и забава! Со себе понесете насмевки и позитивна енергија.Следуваат изненадувања и за најмладите! Ветуваме дека ќе си заминете со одлични впечатоци! Се гледаме на Пеленица!“, стои во поканата.
Граѓаните ќе имаат можност да се забавуваат со песните на Сузана Гавазова, Јордан Митев, Благоја Грујоски, Виолета Пандовска, Татјана и Новица, гости од Мерак Меана, Адријана Кеш и Сања Барби.
Настанот ќе се одржи во петок со почеток од 11 часот, а организатор на настанот е општинскат организација на СДСМ од општина Кисела Вода.
