За популарната пејачка Витни Хјустон снимен е документарец, а содржината ја шокира јавноста. Откриени се потресни тврдења за раното детство на ѕвездата, меѓу кои и тоа дека таа била сексуално малтретирана. Во јавноста тоа го истакнал нејзиниот полубрат, Гери Гарланд. Тој тврди дека пејачката била сексуално злоупотребувана од страна на нејзин роднина.
Премиерата на документарецот за починатата пејачка Витни Хјустон се одржа на Канскиот филмски фестивал и тој раскажува за животот на познатата ѕвезда, а режисерот Кевин Мекдоналд користеше не само архивски записи со нејзини концерти, туку и правеше интервјуа со блиски до Хјустон.
Луѓето раскажуваат шокантни детали од детството на пејачката. Станува јасно дека кога Витни била сосема мала, била жртва на сексуално насилство од братучедот Ди Ди Ворвик. Тој е американски пејач со извонредни хитови на R & B музиката, вклучувајќи оригиналната верзија на “I’m Gonna Make You Love Me” и “I Want To Be With You”.
Витни Хјустон почина на 9 февруари 2012 година на 48-годишна возраст. Пејачката беше пронајдена во несвес во нејзината бања во хотелот “Беверли Хилтон” за време на 54-тата Гремска церемонија.
Тие никогаш не успеаја да ја спасат. Витни имаше проблеми со дрогата, а половина година подоцна нејзината ќерка Боби Кристина Браун беше трагично убиена.