Ова лето е едно од најуспешните за Елена Јовческа

Please follow and like us:
Pin Share

Со 23 настапи, само во месец август, Елена Јовческа го заокружува ова лето како едно од најуспешните во нејзината музичка кариера. Но за неа нема застој, ангажманите секако продолжуваат и во есенскиот период.

И ова лето, младата Елена Јовческа е повторно една од најбараните фолк пејачки во нашата земја. Летниот период помина доста успешно за неа, а доказ за нејзината исполнета агенда се и 23-те настапи кои ги имаше само во месец август.

Како што истакна таа во неодамнешнот интервју за ИН ТВ, ангажманите продолжуваат и во месец септември.

-Ако ви кажам дека цело време само пеам, јадам, спијам и пак истото. Тоа ми се случуваше во месец август, имав 23 настапи и мислам дека овие два дена ми се слободни се одморив малку, па од наредната недела продолжувам повторно турбо. Месец септември имам веќе закажани ангажмани и тоа е.-раскажува Елена, за естрадниот магазин Естрада плус.

И покрај многубројните настапи кои ги имаше во изминатиот период, Јовческа успеа да одвои време и за краток одмор во Шпанија на почетокот на летниот период, а секако дека си зеде уште неколку слободни денови, за убаво да се одмори пред ангажманите кои и престојат оваа есен.

-Со една моја колешка бевме заедно во Шпанија, си поминавме одлично и еве користам прилика да си ја поздравам. Навистина поминавме прекрасно време, се смеевме и се забавувавме. Се разбира дека ќе одам повторно на 4 дена. Сега со моите другарки од мојот роден град Прилеп и ќе си поминам одлично со нив. 7 дена во Шпанија и 4 дена сега најверојатно во Црна Гора. Доволно се за одмор.-додава таа, при интервјуто.

Инаку, Елена беше дел и од Изборот на “Летен Фолк хит на Македонија” кој се одржа во Општина Новаци, каде што настапи со нејзиниот голем хит “Ајде Бато” и доби гласни овации и аплаузи од тамошната публика.

Please follow and like us:
Pin Share