Нов материјал и нови песни најавуваат Екстра бенд Скопје. Тие пред извесно време промовираа нова песна на Новогодишното шоу од ИН Продукција, а во текот на годинава ќе следува и снимање на спот за истата.
Важат за еден од најпознатите и најбараните бендови во земјава. Екстра бенд од Скопје во моментов работат со полна пареа и подготвуваат нов материјал. За сите нови песни најавуваат и снимање на видео записи.
-Имаме многу планови, многу песни, се чека за овој период кога ќе е послабо со работа и нашите ангажмани, ќе го искористиме за да направиме нов материјал и нови песни да снимиме. Се надевам дека ќе има и спотови за сите песни и секако дека јавноста ќе го види она што го ветуваме и за кое што зборуваме.-истакна Александар, еден од членовите на бендот.
Екстра бенд Скопје пред Новогодишните празници ја завршија новата песна, а истата ја промовираа на Новогодишното шоу од ИН Продукција.
-За првпат гледачите ќе имаат можност да ја слушнат нашата нова песна бидејќи во текот на ноќта ја завршивме и директно тука премиерно. Сеуште насловот не го знаеме. Ќе ја чујат песната, а насловот ќе го видат на екраните.-додава тој при интерву за ИН ТВ.
Кога станува збор за настапите надвор од земјава, засега немаат најава, но велат дека доколку добијат покана кај нашите македонци во подалечните земји, со задоволство би ја прифатиле.