Светските медиуми пренесуваат дека Ед Ширан купил четири имоти за да направи совршен дом за свршеницата. Во неговото царство веќе има подземно кино, но и кафуле кое се наоѓа под земја.
Откако се сврши со Чери Сиборн, со која е во врска од 2015 година, ирскиот пејач Ед Ширан купи четири имоти, што се наоѓаат покрај неговата викендичка во англиското село Суфолк.
-Ширан планира да изгради царство за нивниот заеднички живот. Дури направи и подземно кино, а ќе засади и стебла од вишни во чест на девојката, која го доби името по ова овошје – им откри на медиумите негов близок пријател.
Соседите велат дека Ед е супермомче и секогаш е одлично расположен, а се шегуваат дека никој нема да се пожали доколку пушта гласно музика. Според нацртите што веќе протекоа во јавноста, Ширан има намера да изгради музичка соба и две простории за забава. Исто така тој на имотот има кафуле, што се наоѓа под земја, до каде што се стигнува низ тунел од куќата.
– Ги набавив сите пива што ги сакам, па кога правам забава сите се селиме во подземното кафуле – изјавил Ширан.
Неговите пријатели велат дека тој сака да направи совршен дом, бидејќи наскоро планира да се венча со свршеницата, со која посакува да има и деца.