“Отвори мајко порти” нова свадбарска песна од оркестар “Маестрал”

Сеуште ја имаат својата асвтралиска турнеја, а минатата година ја заокружија со нова песна.

Членовите од битолскиот оркестар “Маестрал” направија наменска, овојпат свадбарска песна која со голема веројатност ќе имаат каде да ја промовираат, особено на нивните бројни свадби и свечености каде што ќе бидат ангжирани оваа година. Песната, како што истакнува Иле, вокал од  оркестарот носи наслов “Отвори мајко порти” а преиерно беше изведена во рамките на новогодишната програма на ИН продукција.

-Една убава свадбарска песна која доликува на оркестар “Маестрал”. Секако нови песни ќе има и во 2019 година. Песна по песна, па кога ќе се соберат 7-8 песни ќе има и албум. Скоро имаме издадено пред некое време третиот албум, па полека ќе има и нови работи, додава Иле.

Она што е значајно да се истакне за годинешната австралиска турнеја на маестралци е дека таа и овојпат поминува во знакот на младиот Андреј Илиоски, кој навистина е голем виртуоз на дувачки инструменти но и на некој начин своевидна астракција која примамува поголемо внимание од страна на публиката во оваа далечна земја каде живеат голем број македонци.