Фолкерката Елена Јовческа го препеа познатиот хит од Драгана Мирковиќ “О дали знаш”. Нејзината најнова преработка си доби и свој видео запис, кој е во соработка со ИН Продукција.
По снимањето на видео записот за познатата македонска песна “Машала”, прилепчанката Елена Јовческа ги изненади своите обожаватели со уште една преработка. Овој пат станува збор за големиот хит на Драгана Мирковиќ “О дали знаш”.
Деновиве во соработка со ИН Продукција, Елена сними и видео запис за оваа песна, а се надева дека истиот ќе наиде на позитивни критики од јавноста.
Јовческа е позната по тоа што не мирува кога станува збор за нешто ново и се разбира не запира тука. Таа за периодов кој следи најавува снимање на уште неколку кавери на познати хитови.
Во продолжение погледнете го видео записот и уживајте во нејзината прекрасна изведба !