Охридската традиција пренесена во далечната Австралија.
Претседателот на македонското социјално друштво “Св.Наум Охридски” во Мелбурн, Васко Ангеловски при неговото гостување во ИН продукција откри дел од тоа како и на кој начин македонците кои живеат во оваа далечна земја успеваат да се соединат и здружат заедно преку најразлични манифестации. Негување на македонската храна е манифестацијата во која на големо се изработуваат традиционлните македонски специјалитети, секој со своја посебна специфика.
-Тука, домаќинките имаат право секоја она што најдобро го прави, како поединци така и организации. Таму има штадови со бурек, зелник, ѓомлезе, македонски сирења, значи има традиционална храна која е исклучиво македонска, друга храна нема. Тоа се организира пред време , секој со своја најава што ќе прави и се одржува долги години, истакнува Ангеловски.
Како што додава Васко, честопати се случува да бидат побарани и рецептите за зготвеното јадење од страна на тамошните жители, кои не останале рамнодушни при пробата на македонскиот вкус. Сите вакви настани секако се пропратени со песна и оро кои се разбира се македонски.