Северина на Инстаграм објави невидена снимка од нејзината „српска свадба“

Северина и Игор Којиќ денес ја слават третата годишнина од бракот. На денешен ден во 2015 година сите очи на Балканот беа упатени кон Северина и „српската свадба“ која ја обележаа српски обичаи, храна, трубачи.

Севе и Игор свадбата ја режираа како претстава, а носеше име „Мојата српска свадба“. Пејачката денес на својот Инстаграм објави видео од тој ден, додека таа и Игор се возат во Застава која ја следат трубачи.

„Ти и нашите години три“, напиша пејачката во описот на видеото во кое таа и Игор им мавтаат на луѓето и им свират.

Бројните фанови им ја честитаа годишнината од бракот, а Северина и Игор јасно сакаат да покажат дека нивната љубов е на ниво како и првиот ден откако се заедно.