Голема успешна турнеја бележат момците од “Дрим Тим” кои се наоѓаат во Америка. Како што истакнуваат досега се со рекорден број на посетеност за празниците во Америка.
-Ние сме презадоволни од досегашната турнеја, за настапите во црквата Св.Никола во Њу Џерси. Сега сме во Чикаго, каде што вечерва настапуваме во еден од најубавите ресторани, “Скадарлија”. Што е најважно, се е пополнето. Утре заминуваме во Детроит каде што имаме приватна забава и повторно се враќаме во Чикаго, при што следуваат уште два настапи. Убаво ги поминуваме деновите со нашите иселеници , блиски пријатели или роднини кои навистина се прекрасни со нас, истакнува Сашко Велков, еден од најпознатите хармоникашки виртуози и член на “Дрим Тим”.
Како што додава Сашко, групата е презадоволна од сите нивни настапи, како и возбудата која ја имаат од големата гостопримливост и прифатеност на нашите македонци , иселеници во оваа далечна земја.
-Не има од секој крај на Македонија и верувајте секоја вечер имаме покана за вечера и прошетка кај блиски наши луѓе, што нека не ни замеруваат за недоволно време да направиме чест секому. Па и за крај, потрошивме некој долар, но знаете како е, дал Бог што посакувам кај секој од нас да е така. Ве поздравувам сите вас во мое име , во име на “Дрим Тим” и нашата колешка Сандра од Куманово која навистина е за пофалба и многу професионално ја заврши нејзината работа. Снимивме и еден видео запис во Њујорк но за тоа подоцна, додава Сашко.
Инаку , минатата година момците од “Дрим Тим” го издадоа нивниот најнов албум насловен “Етно Балкан” кој го реализираа во соработка со ИН продукција.