Талентот го наследил од своите предци. Ташко Каранфиловски открива дека неговиот прадедо бил музичар, а и неговата баба имала прекрасен глас. Ташко има искуство и со фестивалите низ Македонија, а неговата следна цел е претстојниот фестивал “Цветници”.
Младиот Ташко Каранфиловски талентот за пеење го наследил од своите предци. При неодамнешното гостување во ИН ТВ младиот пејач истакна дека целото негово семејство е музикално.
-Мојата фамилија е отсекогаш музикална, кај нас скоро секој ден дома сме со музика, а талентот го имам наследено од моите предци, морам да кажам дека прадедоми бил музичар, а истотака и баба ми имаше добар глас, пееше многу убаво и ќе ги следиме нивните стапки.-вели младиот пејач. Покрај тоа што има прекрасен глас, Ташко умее да свири и на хармоника.
– Свирам хармоника, онака викам како за мерак, со друштво и често сум со неа, скоро секој ден.-вели тој. Покрај неговите настапи на семејни веселби, тој учествувал и на некои фестивали.
-За искуство, бев на Гоце фест за првпат и ја освоив првата награда од публиката која за мене беше најбитна, а и за мене беше преголема награда онака како што викаме за душата и настапив таму. Сега за во иднина подготвуваме некои работи.-додава тој.
Ташко открива дека се подготвува за настап и на фестивалот “Цветници” кој би требало да се одржи претстојната пролет. Песната со која планира да настапи на овој фестивал ќе биде во соработка со познатиот музичар Милан Зафков.