Македонската музичка сцена доби уште едно освежување за ова лето! Популарниот состав Здраве Мјузик денес официјално ја промовираше својата најнова песна со наслов „Јаве и сон“, нумера која уште по првото слушање плени со својата мелодија, емоција и препознатлив музички печат.
Песната денес беше пуштена во етер преку програмата на сателитската телевизија ИН, а истовремено својата премиера ја доживеа и на YouTube, каде веќе го привлекува вниманието на љубителите на македонската музика.
Особено внимание привлекува и видеоспотот за песната, кој е реализиран во продукција на EIN Production, а преку впечатливите кадри дополнително ја доловува атмосферата и пораката на ова музичко остварување.
Со новата песна „Јаве или сон“, Здраве Мјузик воедно ја најавуваат и својата претстојна турнеја низ Австралија, каде ќе настапуваат заедно со своите колеги Tasko Karangilovski и Spase Antevski. Големата австралиска турнеја е закажана за месец ноември и веќе предизвикува огромен интерес кај македонската дијаспора на најдалечниот континент.
Но, тука не завршуваат плановите на Здраве Мјузик. Од групата откриваат дека во текот на 2027 година ги очекуваат повеќе приватни музички настани во Австралија, по што ќе следува и солистичка турнеја низ повеќе градови, со што ќе ја продолжат успешната приказна и дружењето со својата публика.
Од бендот најавуваат дека до почетокот на ноемвриската турнеја ќе има уште неколку интересни музички изненадувања, кои дополнително ќе ја израдуваат нивната верна публика.
До тогаш, препуштете се на летните вибрации и уживајте во најновата песна „Јаве или сон“ – хит кој има сè што е потребно да стане еден од најслушаните музички проекти ова лето.
Погледнете го видеото и уверете се зошто сите зборуваат за „Јаве или сон“! 🎶☀️🎬