Македонската музичка сцена повторно зборува за едно име – Дарко Билбиловски! Овој пат, популарниот пејач ја промовираше својата најнова песна „Само да си моја“ во музичкото шоу „ИмаТ НемаТ“, и уште со првото изведување предизвика лавина од позитивни реакции.
Иако публиката го знае како врвен интерпретатор на македонската народна музика, особено староградските песни, Дарко уште еднаш покажа дека не се плаши од нови музички предизвици. Многумина го нарекуваат и наследник на легендарниот Сариевски, токму поради неговата емоција, стил и автентичен пристап кон песната.
Но, Дарко не застанува само на традицијата – тој постојано изненадува со нови проекти, свеж звук и современ пристап, а „Само да си моја“ е токму доказ за тоа. Песната носи силна емоција, модерен аранжман и препознатлива интерпретација која веднаш допира до слушателите.
Музиката, текстот и аранжманот за песната ги потпишува Јован Василевски, кој и овој пат создаде дело што лесно влегува под кожа и остава силен впечаток кај публиката.
Неговиот најголем хит „Свадба правам, синот го женам“ и понатаму важи за песна без која не поминува ниту една македонска свадба. Тоа е песна што стана вистински музички бренд и заштитен знак на Дарко Билбиловски.
Со „Само да си моја“, Дарко уште еднаш потврдува дека е уметник кој знае како да остане близок до народот, но и како да внесе нова енергија на сцената. Публиката веќе ја прифати песната, а многумина велат – ова е уште еден голем хит во најава!