Македонскиот фолк пејач Игор Бежаноски продолжува со силно темпо на музичката сцена и деновиве го комплетираше снимањето на својот најнов музички проект, кој ќе обедини дел од неговите авторски песни, но и неколку внимателно одбрани препеани нумери.
Проектот е снимен на навистина необична и атрактивна локација – пред прекрасен водопад, каде во магична атмосфера беа создадени кадри кои ветуваат вистинско визуелно уживање за љубителите на народната музика. Во снимањето учествуваа повеќе музичари и играорци, кои со својата енергија и автентичност дополнително ја збогатија целокупната приказна.
За реализацијата на видеото повторно се погрижи тимот на ИН Продукција, кој подготви модерна и впечатлива визуелна приказна, а официјалната премиера на проектот се очекува следниот месец. Првото телевизиско емитување и промоцијата ќе бидат реализирани на сателитската телевизија ИН.
Инаку, Игор Бежаноски важи за еден од најактивните фолк пејачи оваа година. Речиси на секои три недели тој промовира нова песна и видеозапис, со што постојано ја збогатува својата музичка кариера и ја радува својата публика со нови проекти.
Судејќи според првите најави, и овој проект на Игор Бежаноски ќе го привлече вниманието на публиката и ќе биде уште едно успешно музичко поглавје во неговата богата кариера.