Мапата е резултат на истражување спроведено на Reddit, а корисниците гласале во која земја има најпривлечни луѓе. Корисниците гласале по сопствен вкус, па резултатите се многу субјективни.
На прво место се Швеѓаните со 518 бодови, потоа Французите со 134, Шпанците со 103 и Норвежаните со 100 бодови. Од земјите во регионот најдобри се Хрватите со 25 бода, а потоа Србите со 17. Интересно е што жителите на Ватикан освоиле дури 33 поени.
Истражувањето е спроведено на мал примерок од само 1926 луѓе, па тешко е да се претпостави колку се веродостојни резултатите, а и некои корисници на Редит ги доведуваат во прашање.
„Источна Европа има лоша репутација на оваа мапа. Причината е веројатно тоа што земјите од Источна Европа се помалку застапени во медиумите, така што луѓето навистина не знаат како изгледаат жителите. Одете во Естонија, погледнете ги тие луѓе колку се убави “, напишал еден корисник.
„Како што гледам, сите го избраа спротивното. Скандинавците, на пример, ги гледаат Шпанците како егзотични и убави. Шпанците ги гледаат Скандинавците како егзотични и убави“, додал друг.
