Фолк дивата Suzana Gavazova повторно ја воодушеви публиката со своето најново музичко дело насловено „Mama Queen“, кое деновиве официјално го пушти во етер. Песната веќе предизвикува голем интерес кај слушателите и се споделува на социјалните мрежи, а многумина коментираат дека станува збор за уште еден сигурен хит во нејзината кариера.
Она што дополнително го привлекува вниманието е и видеоспотот за песната, кој е снимен на егзотичните Малдиви. Со прекрасни пејзажи, тропска атмосфера и впечатлива визуелна приказна, спотот совршено ја надополнува енергијата на песната и ја прикажува Гавaзова во гламурозно издание.
Со „Mama Queen“, Гавaзова уште еднаш покажува дека и по толку години на сцената останува на самиот врв на македонската естрада. Публиката ја прифати новата песна со воодушевување, а коментарите и реакциите се доказ дека нејзината популарност не стивнува.
Но, тука не застанува. Како што откриваат блиски извори, фолк дивата веќе активно работи на нови музички проекти кои наскоро ќе ја израдуваат публиката. Очигледно е дека Suzana Gavazova продолжува со силно темпо и подготвува уште изненадувања за своите фанови.