Македонската музичка сцена оваа есен добива нова енергија – Група Оскар тргнува на турнеи низ Европа и најавува ексклузивна премиера на нова песна!
🌍 „На есен тргнуваме преку граница, и најавуваме две турнеи, со вас и за вас!“ – велат од Група Оскар, кои веќе се подготвени да ја раздвижат македонската дијаспора во Шведска и Германија.
🇸🇪 24 октомври – Трелеборг, Шведска
Повторно заедно со нашинците, на настан организиран од Македонското друштво Пелистер од Трелеборг. Весела атмосфера, македонска музика и заедништво далеку од дома.
🇩🇪 8 ноември – Аален, Германија
Прво гостување во Германија за Група Оскар – концерт по повод празникот на Свети Димитрија (Митровден), во организација на црковниот одбор. Настан кој ветува незаборавна вечер исполнета со песна и оро.
🎶 Од Охрид до Европа, Група Оскар ја шири македонската песна – а ова лето ќе ја слушнеме и најновата песна „Еј меано“, која ќе биде изведена премиерно на фестивалот по повод 5 години Имат Немат, организиран од ИН ТВ Охрид и Општина Охрид.
„Еј меано“ е песна родена од чаша, љубов и македонска душа – со зборови и ритам што ќе допрат до секое срце.
🎉 „Во лето се пее и слави“, велат Оскар, а ова е само почеток на нов музички бран кој ни пристигнува директно од срцето на Македонија.
