Роби Вилијамс повторно ја запроси сопругата на нејзиниот роденден

Роберт Вилијамс на 40. роденден на својата сопруга Ајда Филд ја запросил повторно. Таа објави на својот Инстаграм видео во кое Вилијамс ја пее својата песна „Angels“, но го менува текстот и вели „Ја сакам Ајда“. Потоа тој клекнува на колена и прашува: „Душо, уште една работа. Дали ќе се омажиш за мене повторно?“. Гостите ракоплескаа а двајцата танцуваа на сцената.

На Инстаграм, Ајда напиша „Мојот одговор е „да““.

Фановите им честитаа со позитивни коментари, а еден од нив гласи „Мислам дека не можеше да побара подобар 40. роденден! Тоа е толку специјално“.

Парот се венча на 7 август 2010 година и има три деца: шестгодишната Теди, четиригодишниот Чарли и седуммесечната Коко.