„Ој ти момче Охриганче“ е евергрин песна која со години се пее со љубов и гордост во Охрид и пошироко – песна која многумина ја сметаат за неофицијална химна на градот. Иако не е сосема јасно кој прв ја испеал оригиналната верзија, песната доживува вистинско возобновување благодарение на уникатната изведба на охридската група Чардак.
Чардак се добро познати по своето искрено негување на охридскиот и македонскиот музички мелос. Нивните интерпретации носат топлина, емоција и вистински дух на староградската музика. Покрај бројните настапи низ Македонија, групата веќе втора година е на турнеја низ Австралија, каде се вистинска атракција меѓу нашата дијаспора.
Нивните концерти во најпознатиот македонски ресторан во Мелбурн – „Мистик“ – се распродадени со недели однапред. Таму, тие се синоним за добра македонска музика, за носталгија и за врската со корените.
Покрај традиционалните песни, Чардак имаат и неколку авторски дела, а неодамна снимија и дует со познатиот хит-мекер Гоце Петрески – песната „Бананата“, која веќе ги освојува фановите.
Во нивната изведба, „Ој ти момче Охриганче“ звучи моќно, емотивно и автентично – токму така како што заслужува оваа безвременска песна.
🎶 Погледнете ја изведбата и уживајте во најубавата верзија досега!