Познатата музичка Група “Ѕвезди” кои доминираа на музичката сцена во 90-те години, на естрадата се враќаат со ново име, Група “Садо”.
Овие врвни музичари зад себе имаат бројни хитовски песни и два албуми, но периодов како што откри вокалот на оваа група Башким Муслиоски, тие работат на новиот материјал. Освен тоа, снимаат и преработки на старите нивни хитови надополнети со нов и помодерен аранжман.
-Па да имаме план значи сакам да направиме нешто ново. Сега за сега не сме започнале ништо да работиме, меѓутоа имаме план да се направи нешто ново, но прво што би направиле е тоа да ги преработиме нашите стари хитови од нашите први албуми.-истакна Башким, во интервју за ИН ТВ.
Муслиоски за Естрада плус вели дека нивните музички планови се навистина големи, но најпрво ќе почекаат да се среди ситуацијата со пандемијата на коронавирусот. Тој апелира до младите да ја слушаат и негуваат македонската песна затоа што навистина вреди да се слуша.