“Мулти бенд” самото име ги опишува нивните квалитети

Мулти бенд, самото име кажува дека навистина петте момчиња од овој бенд се мулти талентирани. Впрочем тие знаат да отсвират буквално се, секаков вид на музика која публиката и нивните фанови ќе ја побараат од нив. Кумот на групата е клавијатуристот Роберт, кој на право место го дал името.

-Кумот сум јас. Некако “Мулти бенд” значи многу нешта во едно собрано, така што мислам дека ние не само македонска музика, туку и српска музика и бугарска можеме да отсвириме. Што се бара од нас тоа се свири. Мислам дека името е совршено за еден бенд, како што сме ние, истакнува Роберт.

Првото што го отсвириле е македонската народна песна, но не ја исклучуваат можноста да отсвират и забавна музика. Накратко кажано свират буквално од се по нешто.