Кога ќе се каже Татјана Лазаревска, најчесто се сетуваме на веселите хитови „Аце Аце“ и „Давај Чичо“, песни кои ја направија препознатлива и весела ѕвезда на фолк-сцената. Но, ретко кој ќе се сети на една од нејзините најсилни и најемотивни балади – „Знаат очите“.
Ова лето, токму оваа подзаборавена песна повторно оживеа, кога Татјана ја изведе во новото издание на најгледаното музичко шоу во Македонија и дијаспората – „ИмаТ немаТ“. Со само неколку стиха, таа ја врати публиката назад во времето и потсети колку моќна и длабока е нејзината интерпретација.
Иако веќе со години живее и работи во Австралија, Лазаревска не заборава на својата публика во татковината. Ова лето пристигна „на одмор“ во Македонија, но – како што вели и самата – одмор нема, бидејќи настапите се редат еден по друг.
Факт е дека и по повеќе од десет години, Татјана останува една од најбараните фолк пејачки. А со „Знаат очите“, таа уште еднаш докажа дека добрата музика не старее и дека вистинските песни секогаш ќе најдат начин повторно да блеснат.