Македонската музичка и уметничка сцена се подготвува за незаборавна турнеја низ Австралија! Во месеците октомври и ноември, македонската дијаспора ќе има уникатна можност да биде дел од спектаклот „ИмаТ немаТ“ – музичко шоу што ќе ги обедини традицијата, современиот звук и автентичната македонска емоција.
На оваа турнеја ќе настапат:
🎤 Василија Петрова – популарната фолк пејачка со душа во гласот,
🎤 Благојче Стојановски – Туше – омилениот народен пејач со харизма и енергија,
🎻 Сања Здлерал – виртуоз на виолина, која ќе внесе елеганција и страст во секој настап,
🎭 Жанко Зш – актер со посебен шарм,
🎬 Ване Петкоски – претставник на Ин Продукција и ИНТВ,
🎹 Влатко Секуловски – клавијатурист со богато сценско искуство,
🥁 Влатко од Мелбурн – Гајда – автентичниот звук од Македонија ќе одѕвонува низ Австралија!
Продуцент на целата турнеја е Лазе Наумовски, познат културен работник и сопственик на продукциска куќа од Мелбурн, кој стои зад многу успешни настани во дијаспората.
📍 Градови каде што ќе се одржат концертите:
Мелбурн, Сиднеј, Волонгонг, Њукасл, Перт и други локации ширум Австралија.
Настанот ветува богата програма, сценска магија, многу музички изненадувања и емоции што допираат до срцето. Турнејата ќе биде медиумски покриена од ИНТВ, единствената македонска сателитска телевизија со емисија насочена кон дијаспората.
📆 Подетален распоред, информации за билети и локации – наскоро!
„ИмаТ немаТ“ – таму каде што има љубов кон македонската песна, секогаш има публика!
