Еден од најпознатите фолк пејачи, Спасен Силјаноски, во соработка со ИН Продукција сними видео запис за песната “Ах да се врати времето”. Како што вели тој песната е направена за време на карантинскиот период.
Како што вети во карантинското видео кое ексклузивно го испрати за естрадниот Магазин Естрада плус и Сателитската ИН ТВ, фолк пејачот Спасен Силјаноски го сними видео записот за неговата најнова песна со наслов . Тој во интервју за ИН ТВ вели дека песната е направена во периодот на карантин, а тимот кој работеше на песната е добро познат. Музика-Спасен Силјаноски, текстот е на неговата мајка Јагода Силјаноска, а песната е снимена во студио Анастасија кај Љупчо Павловски.
-По подолго време се решив да го искористам карантинскиот период за да направам некоја нова песна, а со тоа да ги почестам моите фанови, но и јас самиот. Песната е со наслов “Ах да се врати времето”, а наградата која што ја добив за победата на топ листата на ИН ТВ ја искористив за да снимам еве со ИН Продукција и еден видео запис, така да, ќе имаме нешто ново да пласираме во тековниов период.-истакна Силјаноски, за естрадниот магазин Естрада плус.
Спасен вели дека и понатаму ќе продолжи да го негува неговиот стил на музика и искрено се надева дека новата песна ќе и се допадне на јавноста.
Видео записот се очекува да биде премиерно прикажан на Сателитската ИН Телевизија во текот на следните денови.