Сандра Милковска освои две награди на “Гоце Фест”. Таа беше прогласена за најдобар дебитант, но ја доби и третата награда од стручното жири.
“Песна вечна Македонска” од шармантната пејачка Сандра Милковска се закити со две награди на “Гоце Фест 2020”.
Сандра ја доби наградата за најдобар дебитант на фестивалот, но го освои и третото место од стручното жири. Музиката и аранжманот се на Цане Петров, а текстот го напиша Огнен Неделковски.
-Голема Благодарност до сите кои што помогнаа оваа песна да се реализира, голема Благодарност и до Слаѓан Станишковски кој на сцената ме придружуваше со кавал.-изјави пејачката.
Сандра тука не запира. Веќе има големи планови околу музичката кариера, за следниот период најавува уште две нови песни за кои ќе бидат изработени и видео записи.