Туше со рекорден број на карантински видеа

Благојче Стојановски Туше изминатиов период беше доста активен со неговите карантински видеа во кои беа вклучени музичари од различни краеви на Македонија и светот.

Изминатите неколку месеци, фолк пејачот Благојче Стојановски Туше во текот на секоја вечер објавуваше ново карантинско видео, во соработка со познати музичари од естрадата. Интересно е тоа што оваа пракса ја применуваше секој ден со различно видео во кое беа вклучени негови колеги кои се наоѓаат во различни краеви низ Македонија, но и низ светот. Австралија, Америка, Канада, Шведска…

Вечерва ќе биде 80-ти ден, со некои сум бил по два три пати, но повеќето се различни пејачи од секаде низ светот каде што го има македонскиот народ, Америка, Австралија, Македонија, Шведска, Данска. Сум имал гости од насекаде, денешниот ден е веќе 80-ти, ќе пробаме уште некое време, но нема да продолжам уште многу бидејќи повеќето од музичарите не се толку слободни за да можат да снимаат и последни напори правам да ги завршам оние 90 дена, па за понатаму ќе видиме.-истакна Благојче во неодамнешното интервју за ИН ТВ.

Состојбата со пандемијата од коронавирусот навистина лошо ги погоди и македонските музичари кои изгубија доста настапи низ земјава, но и турнеји надвор од Македонија.

-Крајот на април и цел месец мај требаше да бидам во Австралија, тоа е откажано и турнејата во септември во Америка е отакажана. Сега здравје очекувам крајот на октомври да заминам за Австралија, ако се биде во ред, дај Боже. Ако не, за жал не можеме ништо да направиме.-вели пејачот, за Естрада плус.

Благојче пред само краток период ја промовираше неговата најнова песна “Милион бакнежи”, заедно со спот кој го изработи ИН Продукција. Песната засега е одлично прифатена од јавноста, а Туше на социјалните мрежи доби низа позитивни коментари и пофалби и за песната и за видеото.

Во продолжение уживајте во најновото карантинско видео на Туше заедно со познатата фолк пејачка Татијана Стефановска и музичарите Митко Бежаноски и Иле Иваноски !