Дино Мерлин пред месец дена сними дуетска песна со Сенидах која светлината на денот ќе ја здогледа многу наскоро.
Иако на прв поглед е тешко да се замисли дека овие двајца пејачи може да се спојат, тие пронајдоа заеднички јазик, а тоа е секако музиката.
Текстот за песната го напиша Мерлин, а со помош на неговите луѓе со кои тој работи сите овие години, дошол до идеја да ја повика Сенидах.
-Дино напиша текст за дуетска песна и по сугестија на неговите луѓе ја викнал Сенидах за да ја отпеат заедно. Тие му сугерирале дека таа е вистинската личност со оглед на тоа што промовира некој нов правец во музиката. Секако, Мерлин ќе остане доследен на неговиот правец и нема да менува. Текстот е во негов стил, но има малку и модерен звук. Може да се каже дека се спои невозможното и дека резултатите се повеќе од позитивни, вели изворот и додава:
-Спотот го снимија во Истанбул и ќе излезе за десетина дена. Кога ќе видите што овие двајца пејачи направија и како го споија она што ни со зборови не може да се спои, ќе сфатите дека музиката е таа која не спојува сите нас. Многу интересна песна со примеси на нов модерен звук, посебно нов кога е Мерлин во прашање. Секако ќе биде нешто доста интересно, мешано старо и ново.-порачува изворот.
Да потсетиме. Мерлин во својата богата кариера сними повеќе дуетиски песни, а некои од нив се: „Јорговани“ со Весна Змијанац, „Ти си мене“ со Нина Бадриќ, „Да бог да“ со Хари Варешановиќ, „Годинама“ со Ивана Банфиќ, „Мед“ со Емина Јаховиќ, „Супермен“ со Жељко Јоксимовиќ…