Дуа Липа и Ајзак Кару не дозволуваат гласините за неверство да внесат тензија во нивната врска. Актуелната музичка ѕвезда и британскиот модел беа фотографирани на прошетка во Њујорк. Парот си разменуваше бакнежи и релаксирано се движеше низ улиците на „Големото јаболко“.
Пред само неколку дена, медиумите објавија видео во кое Ајзак танцува во ноќен клуб и алудираа на неверство.
Тој на Instagram веднаш ги негираше гласините дека ја изневерил Липа, со која неодамна ја обновија врската, со пораката:
„Не би сакал да мислите дека Дуа е во врска со некој кој не ја сака и почитува. Таа не би го поднесувала тоа. Јас и Дуа паднавме во рацете на таблоидите кои прават драма и нè поврзуваат со други луѓе кога нема вистина во тоа. Бев во геј бар, танцував со пријателка и тоа беше прикажано во лошо светло. Немаше бакнување и сум разочаран од себеси што барем накратко танцував, со оглед на начинот на којшто бев прикажан. Беше гласен бар и јас ѝ зборував на уво.
Не верувајте во сè што ќе видите, затоа што овие луѓе се платени за да предизвикуваат драма.
