Хармоникашот Димитар Митревски заедно со неговиот колега на кланирет, Спире Јовановски го најавуваат првиот заеднички албум кој ќе биде составен од новокомпонирани ора. Тие се надеваат дека албумот ќе добие и своја промоција кон крајот на летниот период.
Димитар Митревски и Спире Јовановски периодов ќе го заокружат нивниот прв заеднички албум. Тие пред само неколку денови во Охрид снимија видео записи за две заеднички ора, а веќе за следниот период најавуваат уште четири новокомпонирани музички дела со кои ќе го комплетираат нивниот проект.
-Ќе следуваат уште четири наши новокомпонирани ора и со тоа ќе го заокружиме нашиот нов проект. Тоа ќе биде прв заеднички проект со осум авторски ора, дел од нив се мои, а дел се на професорот Спире. Планираме за тие ора да направиме една промоција. Во склоп на таа промоција, Спире има еден албум кој сеуште не е промовиран, ќе го вметниме и тој албум во промоцијата. Јас спремам авторско мое цд и се надевам на крајот од летото ќе имаме голема промоција на три албуми.-истакна Димитар, за естрадниот магазин Естрада плус.
Спире и Димитар пред неколку месеци ги промовираа ората“Битолско Жикино” и “Маестрална плетенка”, со кои што и започна целата нивна музичка приказна. И двајцата се презадоволни од прифатеноста на тие дела, а интересно е тоа што некои од нивните колеги музичари веќе ги изведуваат овие ора на настапи и прослави.
-Слушани се доста овие ора и видов дека почнаа некои од нашите колеги да ги извеуваат што ми е многу мило. Па се надеваме дека и следниве ора ќе бидат уште поуспешни. Убаво е кога ќе слушнеш твоја композиција да биде изведувана.-додава Митревски, во интервјуто за ИН ТВ.
Инаку, Димитар го промовираше видео записот за неговото самостојно оро кое е насловено “Иванов пречек”, а деновиве се очекува да бидат претставени и двете видеа за заедничките ора со Спире, кои беа снимени на повеќе локации во Охрид, во соработка со ИН Продукција.