Музичката група „Hurricane“ со песната „Hasta la vista“ ќе ја претставува Србија на овогодинешното издание на „Евровизија“.
Спотот за оваа нумера веќе има околу пет милиони прегледи, а песната за кратко време стана хит.
Меѓутоа, на Твитер се најде навредлив коментар на сметка на оваа група, а фолк пејачката Сека Алексиќ се најде меѓу оние кој го поддржаа овој твит.
„Подобро Крмак да не претставува на Евровизија отколку овие три кокошки“ пишува во твитот кој Алексиќ го лајкна.
Веднаш потоа, пејачката се огласи на „Инстаграм“ и им се извини на „Hurricane“.
„Им се извинувам на групата „Hurricane“ бидејќи случајно лајкував еден хејт за нив. Не гледав Евросонг. Истото ми се случи пред некој ден со друга личност…Многу ми е жал за тоа, дефинитино твитер не е за мене“ напиша Алексиќ.
