Милован Секулоски отсега ќе настапува со нов бенд. Со оглед на тоа што ќе соработува со едни од најдобрите музичари во Охридско-Струшкиот регион, тој се надева дека одлично ќе функционираат.
Познатиот пејач Милован Секулоски кој што е препознатлив по неговиот моќен вокал неодамна си оформи и свој бенд.
Со неговиот “Позитив бенд” кој се состои од неколку одлични и доста искусни музичари од Охридско-Струшкиот регион планира да настапува на семејните прослави.
-Ние во план бевме веќе подолго време, можеби две до три години тлееше тоа во нас, а јас би сакал да спомнам дека девет години настапував со Група Носталгија од Битола, но сакав да се сконцентрирам малку во Охрид. Дечките беа расположени за соработка и го оформивме овој бенд па се надевам дека убаво ќе функционираме.
Би сакал да ги поздравам членовите на бендот, Кирил Ничевски-хармоника, Димитар Димоски-саксофон и кларинет, Стевче Велјаноски-клавијатури и бас, Ристе Трајаноски-гитара и најмладиот член Кристијан Плаќаноски-ударни инструменти.-вели Секулоски, за естрадниот магазин Естрада плус.
Милован во интервјуто за ИН ТВ ни откри дека заедно со неговиот бенд планирале да снимат и заеднички проект со подзаборавени македонски песни, но за жал поради состојбата со коронавирусот биле спречени истиот да го реализираат.
-Ние планиравме да снимиме еден проект, сега во мода се преработки на песни кои што се подзаборавени, но поради ситуацијава која што е повторно ќе напоменам со коронавирусот, бевме спречени, но во скоро време мислам дека ќе започнеме да работиме на тој проект.-додава тој за гледачите на ИН ТВ.
Со оглед на тоа што Милован е самиот автор на поголемиот дел од неговите песни, не ја исклучува можноста во следниот период да создаде нова песна која што ќе ја изведе заедно со “Позитив бенд”.