Дрим Тим одржаа прекрасен концерт на отворено во Кавадарци

По примерот на голем број музичари од македонската естрада, онлајн концерт одржаа и момците од групата Дрим Тим.

Но, за да бидат поразлични тие во соработка со Општина Кавадарци одлучија концертот да се одржи на отворено. Иако, без публика во живо, концертот беше вистинско уживање за сите нивни фанови кои што ги следеа на нивните фан страни на фејсбук, на јутјуб и секако на сателитската ИН Телевизија.

Инаку, концертот беше одржан по повод празникот Св. Кирил и Методиј.

Од Дрим Тим се надеваат дека во најскоро време ќе заврши пандемијата од коронавирусот, па со нивните фанови и пријатели ќе можат да се дружат низ рестораните и на семејните прослави.