Македонската фолк ѕвезда Елена Велевска повторно е во фокусот на музичката јавност со својата најнова песна со наслов „Мој си засекогаш“, која уште при првите слушања најавува дека има сериозен потенцијал да прерасне во нов хит.
Музиката и текстот се дело на проверениот авторски тандем – Елена Велевска и нејзиниот долгогодишен соработник Гоце Костовски, пејач и автор со кого Велевска и претходно има реализирано успешни проекти. Нивната заедничка енергија и искуство резултираа со емотивна, певлива песна која лесно влегува во уво и остава силен впечаток кај слушателот.
Песната е снимена во студиото на Славко Ристески, каде што на продукциски план е посветено особено внимание на звукот и атмосферата, со цел да се долови искрената емоција што ја носи самата композиција. Секој што досега имал можност да ја слушне „Мој си засекогаш“, не останал рамнодушен, што само дополнително ја потврдува нејзината хит-потенцијалност.
Елена Велевска премиерно ја промовираше песната во новогодишното издание на популарното музичко шоу „Имат немат“, каде што доби одлични реакции и коментари, како од публиката, така и од колегите на сцената.
Ние ви ја претставуваме премиерно новата песна со видео, а на вас ви останува да ја погледнете и да се уверите зошто „Мој си засекогаш“ веќе се најавува како една од најслушаните песни во периодот што следува.
🎶 Погледнете ја премиерата и уживајте!