Фолк-сцената во Македонија одамна не видела толку брз подем на еден пејач! Лазе Јанкуловски, кој за само една година успеа да промовира четири песни и четири спота, не застанува – пред нас е неговото најново музичко парче „Сакај ме“, а до крајот на годината ветува уште една премиера.
Аудиото е снимено во ProSound Production Studio во Прилеп, а видеото – препознатливо по динамиката и боите – е дело на IN Production. Песната е целосно обоена со неговиот авторски печат – музиката и аранжманот се на Лазе, текстот е на познатиот Огнен Неделковски, а во изведбата учествува вистинска екипа од врвни музичари.
Во песната и спотот учествуваат:
🎻 Виолина – Лазе Јанкуловски и Сања Ждељар
🎹 Хармоника – Симе Настоски
🎸 Бас – Павле Јаневски
🎸 Гитара – Рубин Димкоски
🥁 Тапани – Трајче Ивановски
💃 Танц – студио за танц „BAH“
„Посебна благодарност до моите пријатели и врвни инструменталисти Сања Ждељар, Симе Настоски и Славко Ристески за нивниот придонес и ангажман околу овој проект,“ изјави Јанкуловски.
Со ова темпо, талент и енергија, Лазе Јанкуловски не само што ја освојува фолк-публиката, туку и докажува дека упорноста и квалитетот секогаш излегуваат на врвот.