Маестралци од Австралија се вратија со доста значаен подарок

Од турнејата во Австралија која траеше за време на Новогодишните празници, Маестралци се вратија со нова песна. Тие откриваат дека добиле песна како подарок, но поради состојбата со коронавирусот сеуште не е снимена во студио. Како што велат станува збор за доста убава песна која е наменета за крштевка.

Оркестар Маестрал важат за едни од најпознатите и најбараните музички групи во земјава, а мора да напоменеме дека овие музичари доста често гостуваат и кај нашинците во далечната Австралија.

Како што откриваат во интервју за ИН ТВ од последната турнеја се вратиле со доста значаен подарок за нив, а тоа е нова песна која ја добиле од нивни близок пријател од Сиднеј. Станува збор за наменска песна за крштевка, која е готова, но сеуште не е снимена во студио поради состојбата со коронавирусот.

-Песната беше спремна и ни беше поклон, од Австралија ја донесовме песната. Прекрасна песна за крштевка, инаку Оркестар Маестрал е познат по фамилијарните прослави и песната за крштевка ни е поклон од нашиот голем пријател Јонче од Сиднеј, оваа прилика ќе ја искористам да го поздравам него и сите Македонци ширум светот, каде и да се на сите континенти, ни недостигаат дружбите со нив, макар и тука да дојдат тие. Се надеваме, оптимисти сме, позитивно ќе гледаме на сето ова. Дај Боже што поскоро да започнеме да функционираме сите.-истакна Александар Тасевски во интервјуто за ИН ТВ.

Турнејата во Австралија траеше скоро месец дена, а членовите на Оркестар Маестрал одржаа повеќе концерти во различни градови каде што ги има нашите Македонци.

-Да, точно. Бевме во Австралија со многу убави спомени, многу убави дружби, меѓудругото и со соработката со ИН ТВ и на Австралиско тло бидејќи токму ИН ТВ пренесуваше во живо еден од нашите концерти во Волонгонг. Прекрасно беше, но за жал ете сега и ние и сите наши колеги сме спречени да патуваме до нашите иселеници во странство насекаде, а верувам дека очекуваат добра македонска музика сите.-додава тој за Естрада плус.

Инаку, како и сите музичари во Македонија, така и Маестралци имаат голема загуба од откажаните настапи поради корона кризата.

Be the first to comment

Leave a Reply

Your email address will not be published.


*