“Невеста бела самовила” песна за сите невести

Покрај бројните работни ангажмани и настапи гостиварската група “Фаворити” минатата година одбележаа и учевство на Лешочкиот фестивал, каде отпеаа наменска песна за сите невести која носи наслов “Невеста бела самовила”. Групата е презадоволна како од настапот на фестивалот, така и прифатеноста на песната од страна на публиката, особено при пеењето на нивните свадбени свечености.

-Песната мислам дека помина добро, со оглед на тоа што не беше премногу промовирана и самиот фестивал е доста следен, популарен. Добро помина. Исто така таа песна е од свадбарски карактер, сакавме тука да ги доловиме, невестите и доста помина добро, меѓутоа треба уште малку промовирање. Веќе почна да се користи по живите свирки , тоа е за нас големо задоволство. Тоа ни е нас последната песна што ја имаме нешто најново извадено така да очекуваме уште да се промовира и се повеќе да биде популарна. Најбитно ни е да се допадне песната на народот, истакнува Горан од “Фаворити”.

Песната “Невеста бела самовила” е авторска песна на оваа група, каде во повеќе наврати се јавуваат и како автори и на други нивни песни. Неодамна “Фаворити” снимија и нов музички видео проект во соработка со ИН продукција во кој се вметнати исклучително одбрани македонски песни, нешто што долго време оваа група го негува на естрадата.

Be the first to comment

Leave a Reply

Your email address will not be published.


*