Се за македонската естрада...


ФОЛК ЕВЕРГРИН

Фолк евергрин

Емотивната музичка приказна на охридскиот гитарист Мартин Милески, насловена како "Colosseum Full of Emotions" е градена врз база на емоции. Целта е да ги разбуди вистинските вредности кај оние лица кои мислат дека се несреќни. Албумот е веќе готов, а се очекува да излезе за скоро време.

"Colosseum Full of Emotions" е насловот на новиот албум на Мартин Милески, кој наскоро ќе излезе. 

-Песните се градени врз база на емоции, а целта ми е да допрам до оние луѓе кои недоволно го ценат животот, на оние кои мислат дека се несреќни. Така да, преку оваа музичка приказна сакам да ги разбудам вистинските вредности кај луѓето.-истакна Мартин.

Албумот е биографски и е составен од 8 дела, а песните се поврзани едни со други.

-Првите две песни се за моите родители, третата и четвртата можам да кажам дека е за сите оние неправди што сум ги доживеал досега. Четвртата и петтата песна се посветени за една прекрасна девојка, која повторно ми ја врати насмевката во мојот живот.  А во останатите песни се навраќам на тоа колку си спремен да продолжиш после се. Без разлика низ што се си поминал, дали добро, дали лошо. И да оди се добро, една мала негативна работа би можела да те уништи и колку си спремен да продолжиш понатака.-додава Милески.

Мартин истакна и голема благодарност до неговиот продуцент Александар Јосифоски, за кој вели дека е доста заслужен за овој албум.

scroll back to top
 
http://estradaplus.com/plugins/page/ http://estradaplus.com/cache/view/docs/