Влатко Стефановски има со што да се гордее: Јан тргна по неговите стапки

Со голема радост го поздравуваме излегувањето на новиот албум на нашиот познат гитарист Влатко Стефановски насловен „Taftalidze Suffle“.

Стефановски ја продолжува соработката со дискографската куќа „Croatia Records“, а на новиот албум тој е придружуван од подмладеното трио. Во нова ритам секција членуваат басистот Иван Кукиќ, како и неговиот син Јан Стефановски на тапани.

Албумот, музичарот го посветува на својот град Скопје, на населбата Тафталиџе, односно маалото каде што живее. А соработката со младите музичари Иван и Јан дополнително носи нова енергија.

Стефановски на својот Инстаграм профил деновиве со своите обожаватели и пријатели сподели фотографија со неговиот син, како уживаат на есенското сонце во населбата Тафталиџе.

Синот на Влатко, Јан, е име кое допрва ќе одекнува на музичката сцена како кај нас, така и надвор од нашата држава, не затоа што е син на голема музичка ѕвезда, туку е млад човек кој секојдневно напорно работи на своите замисли.

Јан постојано објавува свои изведби на тапани покажувајќи го својот талент, својата посветеност и љубов кон музиката, која несомнено ја наследил од својот татко.

 

Be the first to comment

Leave a Reply

Your email address will not be published.


*