Мартина Стојчевска подготвува песни со добро одбран тим

Нови авторски песни најавува Мартина Стојчевска, македонка која живее во Шведска. Таа за Естрада плус открива дека песните ќе бидат во соработка со Благојче Стојановски Туше и Ицко Ѓорѓиовски.

Мартина Стојчевска е релативно млада, но доста талентирана пејачка со извонреден глас. Нејзините корени се од Македонија, живее во Шведска, а ја негува македонската песна. Таа одлично ги изведува нашите стари изворни песни, но за следниот период подготвува авторски песни кои ќе бидат во соработка со фолк пејачот Благојче Стојановски Туше и музичарот Ицко Ѓорѓиовски. Стојчевска за естрадниот магазин Естрада плус најавува и спот во соработка со ИН Продукција.

Убаво е што можеме вака онлајн да контактираме и повторно да соработуваме во тоа што уживаме. Јас сега со помош на Туше и Ице Ѓорѓиовски работам на нови песни, за кои се надеваме дека за скоро ќе можеме да ги снимиме во соработка со ИН ТВ Австралија.-истакна Мартина, во онлајн интервју за ИН ТВ.

Добро познато е дека во Шведска, за разлика од Македонија, имаат поблаги мерки на претпазливост поради пандемијата од коронавирусот, но сепак Мартина и нејзиното семејство ги почитуваат мерките и поголемиот дел од денот го поминуваат во нивниот дом. Мартина вели дека овој период го користи за пишување нови песни, цртање, како и свирење гитара.

-Ова тешко време мислам дека не научи да застанеме во животот малку и времето да го користиме со фамилијата. Јас мислам дека ми се врати креативноста и започнав повеќе да пишам песни, да цртам и да свирам гитара. Порано немав време за тоа, но сега мора да си најдеш занимација.-додава Стојчевска за Естрада плус.

Мартина пред извесно време гостуваше во студиото на ИН ТВ, каде што заедно со нејзиниот колега и пријател Ташко Каранфиловски ја претставија дует песната “Се што имам”. Таа вели дека соработката со Таше не запира, а во скоро време ќе реализираат уште неколку заеднички проекти.

Be the first to comment

Leave a Reply

Your email address will not be published.


*