Бендот на Браќа Нуне се доста барани низ земјава

Тие се новитет на македонската естрада. Бендот на браќа Нуне се доста барани низ земјава. Покрај бројните настапи кои ги имаа периодов, тие снимија и заеднички проект со познати македонски и српски хитови.

Бендот на Браќа е новитет на македонската музичка сцена. За овој краток период откако се оформија, тие успеаа да ја придобијат довербата од јавноста и остварија голем број настапи низ земјава. Од бендот велат дека за оваа година имаат веќе најавени свирки, а најчесто на семејните прослави.

-Со нашиот бенд имаме некои организации, свирки, работа, се ни се врти само околу музиката, но тоа нас ни е животот и за 2019-та се надевам и планираме уште повеќе работа со цел да ги задоволиме сите вкусови и насекаде да си поминеме убаво.-велат од бендот, за естрадниот магазин “Естрада плус”.

Бендот на браќа Нуне во изминатиов период снимија и видео проект со преработки на познати македонски песни и српски хитови кои во моментов се најбарани од нивната публика.

Инаку, бендот се состои од седум членови, музичари со големо сценско и музичко искуство. Добропознатите браќа Филип и Раде Нуне, женскиот вокал Мими Јовановска, машкиот вокал Драган Лазев, Никола Николовски на хармоника, Даниел Маневски-клавијатури и Слободан Геровски на ударни инструменти.

За следниот период најавуваат и нивна авторска песна, а до тогаш уживајте во она што тие го изработија.

Be the first to comment

Leave a Reply

Your email address will not be published.


*