Група Марифет задоволни од коментарите за орото “Марифет Елено”

Од група Марифет се задоволни од коментарите на јавноста за нивното првенче, орото “Марифет Елено”. Тие велат дека добиле бројни позитивни коментари од колегите и музички соработници, како и од нивната публика.

Пред само неколку денови, беше промовиран првиот спот од група Марифет за орото “Марифет Елено”. При интервјуто за ИН ТВ тие истакнаа дека се презадоволни од првичните реакции и коментари кои ги добија од јавноста.

-Искрено, од името на целиот бенд морам да кажам дека крајниот резултат е одличен. Во секој случај добро спакувано, а и верувам дека така ќе мисли и публиката.-вели Кире, еден од членовите.

Импресиите од спотот и орото ги сподели и Тоде Илиевски, кој воедно им се заблагодари на сите присутни гости, блиски пријатели, колеги и музички соработници.

-Публиката беше воодушевена, имаше позитивни реакции. Пред се и јас сум задоволен, потоа мпите колеги од бендот исто се задоволни. Прифатеноста и одзивот на сето ова што го правиме ако го оценувам, ќе ставам десетка. Благодарност до сите наши колеги кои вечерва дојдоа, а и го очекував тоа од нашите колеги и музички соработници.-додава тој.

За потсетување, видеото кое беше во соработка со ИН Продукција, се снимаше на две локации во Прилеп и тоа во Пица-Ресторан “Лаки”, како и кај манастирот Св. Димитрија кој се наоѓа на Селечка планина во близина на селото Селце.

Be the first to comment

Leave a comment

Your email address will not be published.


*