Адреналин бенд со настапи низ целата земја

Адреналин бенд настапуваат низ цела Македонија, а најчесто во Скопје. Тие во моментов се во преговори и за настап на Дочекот за Нова година.

Доста млади, но искусни музичари. Такви се момците од Скопскиот Адреналин бенд. Секој момент го користат за снимање на нешто ново, но не изостануваат и нивните настапи низ локалите, а веќе стануваат се побројни.

-Настапуваме претежно низ цела Македонија, но почесто во Скопје. Не сме стационирани на едно место, со различни датуми, може да не следат на социјалните мрежи фејсбук и инстаграм, Адреналин бенд Скопје и ќе видат каде што и како се движиме и настапуваме.-истакна Филип, за естрадниот магазин “Естрада плус”.

Бендот во моментов е во преговори за настап на најлудата ноќ, односно Дочекот на Нова година, но сеуште не одлучиле каде точно ќе бидат, додавајќи дека тоа ќе го откријат во најскоро време.

-Има веќе преговори и предлози. Сега сме во еден период на прашалници, дискусии и дилеми каде да бидеме. Мислам дека за брзо време ќе знаеме каде ќе гостуваме и ќе им откриеме на гледачите.-открива Ивица Лазаров.

Адреналин бенд деновиве во соработка со ИН Продукција снимија видео проект за нивните најнови кавери. Како што велат тие, станува збор за песни наменети за сечиј вкус.

Be the first to comment

Leave a comment

Your email address will not be published.


*