Аки за Нова година во Скопје

Музичарот одлично се опоравува и моментално ги одработува сите концерти кои биле откажани поради неговата здравствена состојба. Откако издале нова балада групата подготвуваат и нов албум.

Аки Рахимовски (63), фронтмен на групата „Парни ваљак“, проговорил за мозочниот удар кој го имал во април оваа година и истакнал дека сила за борба му давале пораките кои ги добивал.

„Пред се, и благодарам на публиката, што имаше разбирање и што и понатаму ме сакаат и поддржуваат. Знам колку им значам на луѓето и токму тие пораки на поддршка кои ми ги испраќаа и тоа како ми значат. Покрај публиката ме поддржуваше и семејството. Беа покрај мене и за време на болеста, но и кога реков дека се враќам на музиката“ раскажал пејачот.

Тој тврди дека сеуште нема намера да оди во пензија бидејќи музиката му претставува се во животот и не знае што друго би работел.
„Мојот живот е музиката, не знам што би работел подобро од тоа. Јас цели 24. години го работам само она што го сакам и никогаш не сум размислувал за тоа да одам во пензија. Немам намери да се повлечам од сцената“, рекол Аки.
„Парни ваљак“ издал нова песна, а како што открил Аки, не планираат тука да застанат. Имено, во подготовка е и нов албум.

„Новата песна ’Од каде ти право’ е балада и најава за албумот кој ќе се појави кон крајот на ноември. Таа песна е вистинска, потполно е поинаква и човекот едноставно е опчинет од текстот, а и спотот е одличен. Се воодушевив кога го видов, а реакциите се и тоа како позитивни. Новиот албум во позадина ќе го има вистинскиот звук на ’Парни ваљак’, но ние постојано си играме и одиме напред додека работиме, така што сепак ќе има и нешто ново“ порачал Аки.

Аки на сцената се вратил пред две недели и вели дека чувството е феноменално.
“Ги работиме сите концерти кои ги откажавме поради мојата здравствена состојба. Сега доста работиме, со полна пареа, патуваме и концертите минуваат одлично. Нова година конечно ја минувам во моето Скопје, после толку години. Секогаш сум бил на некое друго место, но овојпат нема“, заклучил музичарот.

Be the first to comment

Leave a Reply

Your email address will not be published.


*