Досега неслучено, распродадени сите концерти на доајенот на македонската песна Наум Петрески во Австралија

Предвреме се распродадени речиси сите влезници за сите негови најавени настапи во далечната земја, иако доајенот на македонската народна песна Наум Петрески на 16-ти мај заминува за Австралија.

Како што на големо се зборува за сите негови настапи така и на големо го очекуваат нашинците во оваа прекуокеанска земја. Секако, Наум е во исчекување на сите негови настапи а гарантира пред се добра забава и дружење со македонците во Австралија.

-Очекувањата се да поминеме убаво. Да не чува Господ сите, да полетаме , да слетаме добро и да помине се во најдобар ред како што треба. Голем поздрав до Васко и до нашата ИН телевизија која ќе пренесува се во живо и мислам дека ќе биде многу интересна турнеја. Репертоарот е 90 посто моја музика, значи се е спремно, напишано , се очекува да почниме. Ќе биде прекрасно како и секојпа во Австралија сум немал лош впечаток. Секојпат било се во најдобар ред. Очекувам така да биде и сега, да бидат полни салите како што е веќе и најавено и останува само да се видиме за неколку дена, вели Наум.

На оваа двомесечна австралиска турнеја Наум ќе биде заедно со својата сопруга Зуица Лазова, музичарите Илија Тотовски Тота и Џевад Рамаданоски, како и за прв пат во нивна придружба ќе оди и екипа од ИН продукција од Охрид. Сите настапи од ова големо македонско име како што е Наум, ќе бидат пренесувани во живо преку неколкуте канали.

 

Be the first to comment

Leave a comment

Your email address will not be published.


*