Спасен: Секоја песна ја правам според високи критериуми и подолг период

По минатогодишниот голем негов хит кој го испеа на Лешочкиот фолк фестивал, “Ќе ти дојдам вечер во зла доба”, Спасен Силјаноски не ја исклучува можноста за повторно да настапи и на овогодинешното издание на овој фестивал. Сепак, како што вели мора да се има добра песна а не само песна колку да настапи на фестивалот. Некогаш е подобро да не се настапи, отколку да се настапи со нешто неквалитетно.

-Како конкуренција се зметам самиот себе си, на тој начин што секогаш гледам да сум подобар од претходниот пат. На почеток кога прв пат ја испеав “На свадба ме канат” , дури владееше некој страв во мене, песната беше толку слушана и толку голем хит, буквално низ цела Македонија и дијаспората , се прифати секаде. Сметав дека ова е врвот и нема да можам да создадам нешто што ќе го надмине тоа. Но, ете после тоа излезе “Мајка сина прашува” и таа песна надмина со популарност и многу други после на, истакнува Спасен.

Спасен соработува и со бројни музички имиња, кои значат за негови соработници. Бројни се музичките имиња за кои тој има компонирано и песни за нив. Тој песната ја работи подогл период за како што вели да создаде добра песна која трајно ќе остане во македонската музичка ризница.

-Сум ја компонирал таа песна и без разлика кој и да ја пее ја дожиувам исто како да е моја. Спасе Матлијоски пее моја песна “Ветена”, Дамјан Стојаноски “Клетва” и многу други песни. Гледам да се задржи некој критериум, не може сите песни да се хитови , но да го исполнуваат оној критериум што значи добра македонска песна со сите тие стандарди, вели Спасен.

Спасен кој доаѓа од кичевскиот крај важи за доста баран пејач на бројни приватни свечености и настапи ширум нашата земја.

Be the first to comment

Leave a comment

Your email address will not be published.


*